У нядзелю, 12 лютага, у Дукорскім маёнтку — Дзень усіх закаханых!
Дата: 12 лютага
Час: з 12.00 да 17.00 (час мясцовы)
Месца: Дукорскі маёнтак, вул. Школьная, 12, аг. Дукора, Пухавіцкі раён, Мінская вобл.
Вось якая будзе праграма:
12.00 — экскурсія па гісторыі маёнтка;
12.30 — інтэрактыўная імпрэза «Закаханая нявеста» (галоўная плошча);
13.00 — лекцыя-квіз «Шлюбныя і любоўныя стасункі на тэрыторыі Беларусі: са старажытных часоў да нашых дзён» і памятныя падарункі пераможцам квіза! (музей, першы паверх);
13.30 — тэматычны лучны цір «Цір купідона» (ваярскі лагер);
14.00 — бясплатны майстар-клас па роспісе пернікаў-валянцінак (Карчма);
14.30 — бясплатны майстар-клас па збіранні букетаў з лаванды (Карчма);
15.00 — рамантычная музыка ў скрыпічным выкананні (Карчма);
15.30 — спальванне «Сэрца развітання» (галоўная плошча). На працягу дня можна будзе пакідаць у адмысловым месцы каля «Сэрца развітання» розныя рэчы, што сімвалізуюць мінулыя адносіны, тое, з чым хочацца развітацца, каб будаваць новае ў сваім жыцці. Вось тыя рэчы ўрачыста спаляць!
15.40 — экскурсія па рамесных майстэрнях (збор на галоўнай плошчы).
З 11.00 да 13.00, а таксама з 14.00 да 16.00 можна будзе паглядзець фільмы пра любоў і каханне (музей, першы паверх)!
Квіткі: дарослыя — 20 рублёў, дзеці ад 7 гадоў — 10 рублёў, а да 7 гадкоў — бясплатна. (А для падпісчыкаў сацсетак Дукорскага маёнтка — зніжка 10%.)
Даведкі па тэлефонах +375 (44) 707-77-64,+375 (33) 357-77-64 а таксама на сайце dukora.by.
