Дзень Волі ў Беластоку

Беларуская нацыянальная меншасць у Польшчы і Беларуская дыяспара ў Беластоку арганізуюць святкаванні 105-х угодкаў Акту 25 Сакавіка 1918 г. Дзень Волі адзначаецца беларусамі ўжо звыш стагоддзя і яднае нас усіх ідэя незалежнай, беларускай дзяржавы.

Дата: 25 сакавіка

Час: пачатак 13:00 (час мясцовы)

Праграма святкавання (субота 25.03.2023 г.)

13.00 —13.30

Ускладанне кветак арганізатарамі перад Следчым арыштам у Беластоку пры памятнай табліцы ад вуліцы Каперніка, ушаноўваючы памяць Макара Краўцова, аўтара гімну Беларускай Народнай Рэспублікі «Мы выйдзем шчыльнымі радамі», які паводле гісторыкаў быў закатаваны савецкімі карнікамі ў падвалах беластоцкай турмы.

14.00 — 15.00 

Святочная акцыя з нагоды Дня Волі, 105-ай гадавіны Беларускай Народнай Рэспублікі на Рынку Касцюшкі перад помнікам Пілсудскаму

15.30 — 17.30 

Канцэрт з нагоды Дня Волі Wschodnioeuropejska Akademia Nauk Stosowanych WANS раней Wyższa Szkoła Finansów i Zarządzania — ul.Ciepła 40 

Пасланне ад Старшыні Рады Беларускай Народнай Рэспублікі — Івонкі Сурвіллы 

Традыцыйная і ўзнёслая хвіліна святкавання, уручэнне букетаў бел-чырвона-белых кветак, як падзяка заслужаным асобам і ўстановам.

Канцэртная частка святкавання:

Выступ знакамітага беластоцкага барда, опернага спявака, мастака Алега Кабзара 

Выступ сямейнага гурта «Бартосікі»: Зміцер Бартосік — гітара, вакал, аўтар песень; Тацяна Карпіловіч — баян; Юстына Карпіловіч — гітара, вакал, аўтарка песень; Геральд Бартосік — вакал.

Завяршэнне святкавання: 

Супольнае спяванне гімну «Магутны Божа». 

У праграме могуць быць змены ў сувязі з абставінамі незалежнымі ад арганізатараў.