У нядзелю, 8 кастрычніка, у Кракаве — другая сустрэча Гістарычнага клуба.
Тэма — «Як здабыць замак: фартыфікацыя і артылерыя ў Вялікім Княстве Літоўскім у XIV-XVIII стст.».
Дата: 8 кастрычніка
Час: 14.00 (час мясцовы)
Месца: музей Подгужа, ul. Limanowskiego 51, Кракаў
Замкі ў Вялікім Княстве Літоўскім, як і паўсюль у Еўропе, добра ілюструюць гонку ваенных тэхналогій, якая была не менш зацятай, чым у цяперашні час.
Архітэктары і ваенныя інжынеры пастаянна прыдумвалі новыя фартыфікацыйныя прыёмы, каб абараніць умацаванні.
З іншага боку, вынаходнікі ўдасканальвалі артылерыю і тэхніку вядзення аблогі.
Знакаміты французскі фартыфікатар Себасцьен Ле Прэтр дэ Вабан пісаў, што «няма фартэцый, якія нельга ўзяць».
На прыкладзе замкаў ВКЛ абмяркуюць інтрыгуючае супрацьстаянне ваеннай інжынернай думкі.
Вядоўца — кандыдат гістарычных навук Мікола Волкаў.
Удзел — данат ад 15 злотых. І зарэгіструйцеся па спасылцы.
