Вось ужо трэці год запар напярэдадні навагодніх святаў у Белай гасцінай палаца Румянцавых і Паскевічаў праходзяць канцэрты з удзелам музыкаў, тых, што бясконца любяць джаз, імправізацыю і разумеюць адзін аднаго з паўслова.
23 снежня ў 19.00 Музычны салон музея запрашае на «Калядныя імправізацыі – 2014» з «Vasabi jazz band» (мастацкі кіраўнік Андрэй Васільеў).
Гэта будзе яркае падарожжа па джазавых стылях, пачынаючы з вытокаў – свінга, блюзу, шафла, заканчваючы энергетыкай сучасных танцавальных рытмаў фанка, хіп-хопа, дыска і эйсід-джаза!
Новую канцэртную праграму пад назвай «Look at me» («Паглядзі на мяне”) “Vasabi jazz band» прадставіць сумесна з Анастасіяй Анікінай (вакал), Сяргеем Калупаха (труба) і Вадзімам Міцько (губны гармонік).
Чакаем вас на канцэрце!
Кошт квіткоў: 70.000 руб.
Даведкі па тэлефонах: 70-33-41, 74-19-11
