Каляды ў Вільні
21.12.2024
13:00 - 20:00
Цэнтр беларускай культуры і супольнасці (Vilniaus, 20)
данат у 5 еўра
У суботу, 21 снежня, у Цэнтры беларускай культуры і супольнасці святкуюць Каляды.
Дата: 21 снежня
Час: з 13.00 да 20.00 (час мясцовы)
Месца: Цэнтр беларускай культуры і супольнасці, Vilniaus, 20, Вільня
У праграме:
13:00 — 14:00 — дзіцячы калядны кірмаш (дзеці могуць прадаваць вырабы, зробленыя сваімі рукамі)
14:00 — 14:30 — Батлейка
14:30 — 15:30 — Супольны абед і традыцыйныя калядныя варожбы
Вельмі вітаецца прыносіць з сабой да абеда прысмакі.
Тэма вечарыны — калядныя стравы народаў свету.
Вы можаце прынесці традыцыйныя беларускія стравы, ці французскія, ці гішпанскія, а мо нават японскія ці габрэйскія.
15:30 — 16:00 — Калядаванне і гульні з Казой.
Прыносьце пачастункі для Казы: цукеркі, печыва, яблычкі, арэхі, мандарынкі — Каза імі падзеліцца з дзеткамі на падвячорак.
16:00 — 17:30 — Святочны канцэрт навучэнцаў Школкі і іх настаўнікаў
17:30 — 18:00 — Прыйдзе ў госці святы Мікола! Гульні і падарункі пад ялінкай.
18:30 — 20:00 — Выступ Андрэя Хадановіча
Апранайце штосьці ў традыцыйным беларускім стылі (вышываныя кашулі, вышыванкі, іншая вопратка ў беларускім стылі) ці калядныя касцюмы — казы, мядзведзя, зайца, ваўка, бусла, жорава, каня, быка і г. д. Ці проста апранайцеся святочна.
Цягам імпрэзы дзеці (і дарослыя) могуць атрымаць невялічкія, але вельмі прыемныя падаруначкі.
Таксама шукайце пад ялінкай падарункі ад патаемнага Міколы!
Удзел — рэкамендаваны данат у 5 еўра.
