“Бо гэта вясна,
Яе не стрымаць,
І не падзецца нідзе
Ад сонечных промняў,
Ад тлуму і мар,
І сентыментальных надзей;
Бо гэта вясна,
Яе не спыніць,
Ёй трэба паўсюды паспець,
І хочацца верыць,
І хочацца жыць,
І сонцу насустрач ляцець!”
А значыць, самы час наведаць канцэрт самых рамантычна-эпічных у Беларусі музыкаў – Кацярыны Ваданосавай і яе Fantasy Orchestra.
Чакаем усіх у кафэ “Грай” (вул. Інтэрнацыянальная, 33) 28 красавіка а 19-й гадзіне.
Квіткі – free donation (уваход вольны, а калі захочаце, то можаце нешта ахвяраваць музыкам на новыя струны).
Даведкі і замова столікаў – +37529 612-11-13
Fantasy Orchestra – гурт з даволі нетрывіяльным складам інструментаў: барабаны, бас, электрагітара, цымбалы ды электраскрыпка. Сама Кацярына Ваданосава з’яўляецца ў ім вакалісткай, аўтарам песень, а таксама грае на духавых інструментах. Менавіта такім наборам атрымліваецца якасна працаваць у музычным накірунку, які ўмоўна можна акрэсліць як “фэнтэзі-рок”, альбо “менестрэль-рок”.
Кацярына Ваданосава – беларуская спявачка, паэт, музыка, выканаўца. Аўтар паэтычнага зборніка “Міфатворчасць” (2015 г.) ды музычнага альбома з аднаіменнай назвай (2016 г.). Лаўрэат шматлікіх конкурсаў ды фестываляў у Беларусі ды па-за яе межамі.
