Казкі Вільгельма Гаўфа ў Берасці
Пачатак: 17.07 (18:00)Канец: 17.07 (20:00)
КЦ "Грунтоўня"
Вядомыя нам з дзяцінства казкі “Каліф-бусел”, “Маленькі Мук”, “Карлік Нос”, “Халоднае сэрца”, а таксама менш вядомыя творы ў беларускім перакладзе цяпер можна знайсці пад адной вокладкай.
На мінулым тыдні ў бібліятэцы часопіса “ПрайдзіСвет” “PostScriptum” і Саюза беларускіх пісьменнікаў “Кнігарня пісьменніка” выйшаў самы поўны збор перакладаў нямецкага казачніка з ілюстрацыямі беларускай мастачкі Кацярыны Дубовік. 17 ліпеня з выданнем змогуць пазнаёміцца наведвальнікі КЦ Грунтоўня (Берасце, вул. Дзяржынскага 14). Пачатак імпрэзы — у 18.00. Сустрэча арганізуецца ў межах грамадска-культурніцкай кампаніі “Будзьма беларусамі!”.
З прэзентацыяй кнігі да нас завітаюць укладальніца зборніку, літаратурны крытык Ганна Янкута разам з адным з перакладчыкаў казак Ігарам Крэбсам.
Апроч зборніка перакладаў вы зможаце пазнаёміцца і з іншымі выданнямі Бібліятэкі часопіса “Прайдзісвет”.
Прыходзьце і запрашайце сяброў!
Падрабязней пра кнігу чытайце тут.
