«Кніга кніг» і культурная рэвалюцыя Францішка Скарыны
01.12.2017
18:30 - 18:30
Кнігарня Логвінаў (пр-т Незалежнасцi 37А)
Уваход вольны
Беларускі Калегіюм
Цэнтр міждысцыплінарных гуманітарных даследаванняў
Кнігарня Логвінаў
1 снежня 2017 – 18.30
«Кніга кніг» і культурная рэвалюцыя Францішка Скарыны
Гутарка з Ірынай Дубянецкай
Вядучая: Таццяна Шчытцова
У 2017 годзе адзначаецца 500-годдзе беларускага кнігадрукавання,
якое было ініцыяванае выбітным культурным дзеячам ВКЛ, філосафам і медыкам Францішкам Скарынам. Першай выдадзенай ім кнігаю стаўся
«Псалтыр», за якім адбылося выданне іншых кніг Бібліі.
Скарына здзейсніў своеасаблівы падвойны пераклад: пераклаўшы біблійную спадчыну ў прастору беларускай мовы і пераклаўшы беларускую мову ў медыум друку. Гэты “двайны ход” зрабіў Скарыну сапраўдным геніем культурнай рэвалюцыі, якая мела ўстаноўчае значэнне для развіцця беларускага “друкаванага слова” і ў выніку якой адбылося фундаментальнае ўзбагачэнне сімвалічнага поля беларускай мовы і тым самым – усяе беларускамоўнай культурнай прасторы.
На сустрэчы плануецца абмеркаваць сацыякультурныя адметнасці гэтай рэвалюцыі, яе значэнне для сучаснай Беларусі і актуальнасць яе паўтарэння.
***
Ірына Дубянецкая
доктар тэалогіі, бібліістка, акадэмічная дырэктарка Беларускага Калегіюму
Таццяна Шчытцова
філосаф, прафесарка дэпартамента сацыяльных навук Еўрапейскага гуманітарнага ўніверсітэта
***
Удзел у сустрэчы толькі на аснове папярэдняй рэгістрацыі.
Зарэгістравацца можна да 28 лістапада тут:
lohvinaupress@gmail.com,
з пазнакай «Гутарка з Дубянецкай»
Колькасць удзельнікаў абмежаваная.
Гутарка будзе запісвацца на відэа.
