20 жніўня а 19-й у познанскай арт-прасторы «Barak Kultury» адкрываецца выстава рэпрадукцый «Малюю наша жыццё» беларускай ілюстратаркі Вольгі Якубоўскай, вядомай сваімі «Коцікамі Свабоды», што адлюстроўваюць падзеі мірнага пратэсту ў Беларусі.
Дата: 20 жніўня
Час: 19.00 (час мясцовы)
Месца: Barak Kultury, Aleje Marcinkowskiego 21, Познань
«Я раней ілюстравала кнігі, а цяпер кніга — гэта наша з вамі жыццё і я магу і павінна ілюстраваць яе!», — кажа спадарыня Вольга.
На вернісажы выступіць беларуская спявачка Алена Каданава. Алена піша і спявае песні на трох мовах (беларуская, польская, руская), якія адлюстроўваюць розныя гісторыі з жыцця ў польскай эміграцыі.
Прыходзьце пазнаёміцца ды пагутарыць са спадарыняй Вольгай, натхніцца ды напоўніцца цеплынёй.
Выстава працягнецца па 4 верасня.
Уваход вольны!
Час працы арт-прасторы — пн-пт з 9.00 да 17.00.
