Культура піцця беларусаў: смачная сустрэча з Аленай Мікульчык у Мінску

16.01.2025 18:30 - 20:30 (вул. Кісялёва, 38) 30 рублёў

16 студзеня, у чацвер, у лекторыі «Фрэскі» — смачная сустрэча з Аленай Мікульчык «Культура піцця беларусаў. Частка 2».

Як беларусы ставіліся да гарэлкі?

Хто мог вырабляць напоі, а хто не?

Чаму для беларусаў гарэлка акаянная, а не праклятая?

Чаму беларусам было больш выгадна прадаць збожжа, чым гнаць гарэлку?

Вы даведаецеся: Легенду пра апосталаў Петра і Паўла, якія спусціліся з нябёсаў у беларускія балоты.

Жыццё-піццё беларусаў пасля разделу Рэчы Паспалітай: новыя законы, дзяржаўная манаполія на гарэлку. Чаму беларусы трымаліся сухога закону.

Гісторыю самага старажытнага напоя славян — пітнога мёду. Чаму мядовы месяц так называюць.

Ерафеіч і ерафееўка. Лекавы напой. Хто прыдумаў, якая расліна абавязкова ўваходзіла ў складнік і ў чым розніца.

Крупнік і крамбамбуля. Гісторыя, легенды, традыцыі. Гімн крамбамбулі.

Французскі крэм дэ касіс і беларускі спатыкач. Што аб’ядноўвае знакамітага Эркюля Пуаро і вашу вясковую бабулю.

Яшчэ вас чакаюць:

Дэгустацыя закускі — патэ з курынай печані з цыбулевым канфіцюрам на грэнках з алеем гані і мядовым соусам.

Дадаткова па жаданні — дэгустацыя беларускай версіі крэм дэ касіс (напой з чорных парэчак), крупніку і ерафееўкі (+4 рублі).

Спікерка — Алена Мікульчык, шэф-кухарка, экспертка беларускай і славянскай кухні, гісторык кулінарыі.

Кошт — 30 рублёў. Месцаў абмежавана, таму запісвайцеся па спасылцы.

Зарэгістравацца дадаць у google каляндар

Вам можа быць цікава