закрыць
Мінск Іншае

Купальская ноч у Купалавым доме

24.06.2014 19:30 - 22:00 музей Янкі Купалы (вул. Купалы 4) 10 000 - 20 000 рублёў

У ноч на Івана Купалу, калі абуджаецца самая магутная жыватворная сіла зямлі, калі паляць вогнішчы і гарыць над карагодамі прасмаленае кола – “сонца”, а дзяўчаты пускаюць па рачной плыні вянкі, на кароткае імгненне ў лясной глухамані расцвітае пад абаронаю сіл зла папараць. Хто адолее іх, хто сарве гэтую агонь-кветку, той здабудзе шчасце людзям і сабе. З гэтай легенды і пачынаецца мастацкі свет першага народнага паэта Беларусі Янкі Купалы.

24 чэрвеня 2014 года Дзяржаўны літаратурны музей Янкі Купалы запрашае сваіх наведвальнікаў адшукаць чароўную кветку папараці і сустрэць разам “Купальскую ноч у Купалавым доме”!

У праграме свята:

19.30–20.30 – гульня-віктарына “У пошуках папараць-кветкі” (па экспазіцыйных залах музея).
20.30–20.45 – “Спеўнае поле” – купальскія абрадавыя песні ў выкананні этна-фольк гурта “Guda”. Заспяваць ва унісон з майстрамі зможа кожны жадаючы!
20.30 –22.00 – майстар-клас па пляценні купальскіх вянкоў.
20.45–23.00 – купальскія абрадавыя песні, карагоды, майстар-клас па старадаўніх беларускіх танцах сумесна з этна-фольк гуртом “Guda”.

Адшукайце сваю кветку шчасця ў Музеі Янкі Купалы!

дадаць у google каляндар

Вам можа быць цікава

Выстава «Ён так бачыў» у Гомелі

27.09.2025 15:00 - 02.11.2025 18:00 філіял Веткаўскага музея (пл. Леніна, 4а)
Гомель Выставы

MARA FEST SEA LIGHTS у Сопаце

08.11.2025 (18:00 - 21:00) (al. Franciszka Mamuszki 14)
Фестывалі

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org