Дужа ўпадабаная мінчукамі выстава «Шэпт» у Нацыянальным цэнтры сучасных мастацтваў паціху набліжаецца да заканчэння, і яшчэ ёсць магчымасць наведаць экскурсію па ёй. У чацвер, 3 лістапада, куратарка выставы Дзіна Даніловіч ладзіць экскурсію па выставе «Шэпт».
Дата: 3 лістапада
Час: 18.30
Месца: НЦСМ, вул. Някрасава, 3, Мінск
Дзевяць гадоў таму Сяргей Лескець задумаў вялікае падарожжа ў свет беларускай вясковай магіі, і зараз яго праект з дапамогай фатаграфіі, відэа, гуку і аб’ектаў дапамагае гледачу далучыцца да старажытнай беларускай традыцыі.
Пра ягонае падарожжа ў таямнічае спадарыня Дзіна і распавядзе падчас экскурсіі — і дапаможа вам здзейсніць вашае.
Наведаць экскурсію можна па квітку ў музей: 7 рублёў — поўны, 3 рублі — льготны.
Толькі не забудзьцеся зарэгістравацца па спасылцы.