У нядзелю, 11 чэрвеня, у прасторы «Вершы» — лабараторыя незнятага кіно з заснавальнікам кінафэста «Нефільтраванае кіно» Аляксандрам Мартынюком.
Дата: 11 чэрвеня
Час: 19.00
Месца: прастора «Вершы», вул. Кастрычніцкая, 19, Мінск
Часам зняць фільм зусім не атрымоўваецца: не хапае часу, грошай, цярпення да чужой дурасці.
Што ж рабіць з нерэалізаванымі ідэямі? Падзяліцца імі.
Каманда «Нефільтра» сабрала для вас наййлепшыя гісторыі, яшчэ не знятыя, затое іх аўтары гатовыя падзяліцца сваёй задумай і, магчыма, знайсці аднадумцаў.
Гледачы ж змогуць паўдзельнічаць творчай дыскусіі і паспрабаваць сфармуляваць уласную аўтарскую задуму.
У рэшце рэшт, кіно гэтая калектыўная творчасць — а ў кожным з нас жыве гісторыя, якая магла б стаць фільмам. Нават незнятым.
Уваход — donation ад 5 рублёў, рэгістрацыі не патрэбна.
