Лекцыя «Этнакасмалогія. Хранатоп беларускай традыцыйнай культуры» ў Мінску
Пачатак: 26.02 (14:00)Канец: 26.02 (16:00)
Нацыянальны мастацкі музей
(Мінск , вул. Леніна, 20)
Кошт: 8 рублёў
У нядзелю, 26 лютага, у Мастацкім музеі — крутая лекцыя «Этнакасмалогія. Хранатоп беларускай традыцыйнай культуры».
Дата: 26 лютага
Час: 14.00
Месца: Мастацкі музей, вул. Леніна, 20, Мінск
Гэта другая гутарка з цыкла пра беларускую традыцыйную карціну свету, пра яе ўнутраныя сэнсы і сувязі і пра новую навуку — этнафіласофію.
Беларуская этнакасмалогія даследуе, як, паводле народнай традыцыі, уладкаваны космас, як суадносяцца прастора і час, як ўпісаны ў вялікі сусвет той створаны свет, над якім апякуецца чалавек, як фарміруюцца і функцыянуюць мірыяды сувязей паміж рознымі сферамі і фактарамі таго неабдымнага, мудрагелістага Усяго, якое завецца Рэчаіснасцю. А таксама адкуль і чаму паўстаюць вобразы беларускай карціны свету, як яны суадносяцца з вобразамі іншых культур.
Лектарка — Ірына Дубянецкая, старэйшая навуковая супрацоўніца Інстытута філасофіі НАН Беларусі. Уваход — па квітку ў галоўны корпус музея. І рэгістрацыі не патрэбна — проста прыходзьце!
