Лекцыя «Лічбавае мастацтва: пашыраючы філасофію ўспрымання ў Art&Science» ў Мінску

У наступны чацвер, 23 ліпеня, у Нацыянальным цэнтры сучасных мастацтваў адбудзецца лекцыя мастацтвазнаўцы Ірыны Лампе «Лічбавае мастацтва: пашыраючы філасофію ўспрымання ў Art&Science — канцэпцыі teamLab (Японія)».

Гэтая лекцыя — не проста агляд тэхналагічных інсталяцый, а паглыбленне ў філасофскія канцэпцыі, якія пераварочваюць традыцыйнае ўяўленне пра мастацтва.

Вы даведаецеся, як японская каманда teamLab сцірае межы паміж гледачом і творам, ператвараючы цела чалавека з пасіўнага назіральніка ў актыўнага суаўтара.

У цэнтры ўвагі — унікальная канцэпцыя «Свет без межаў» (Borderless World), дзе мастацтва рухаецца, дыхае і змяняецца ў рэальным часе ў залежнасці ад вашых дзеянняў.

Лектарка разбярэ ключавыя праекты, уключаючы імерсіўную прастору «Сусвет бурбалак» (кагнітыўная скульптура 2023 года) і інтэрактыўны «Sketch Factory», дзе дзіцячыя малюнкі ажываюць у лічбавым акіяне.

Пагавораць пра тое, як teamLab задзейнічае ўсё цела для атрымання новага досведу, ставіць пад сумнеў матэрыяльнасць мастацтва і пашырае межы свядомасці.

Вы даведаецеся пра 10 філасофскіх канцэпцый студыі — ад «Ультрасуб’ектыўнай прасторы» да «Кагнітыўнай скульптуры», — і пра тое, як лічбавыя тэхналогіі змяняюць наша ўспрыманне прыгажосці, святла і часу.

Квіткі — 20 рублёў (прагляд экспазіцыі ўключаны ў кошт). Рэгіструйцеся па спасылцы.