У чацвер, 13 красавіка, у палацы Румянцавых і Паскевічаў будзе новая файная лекцыя «Старажытны горад на зямлі радзімічаў» ад гомельскіх археолагаў у межах не меней файнай выставы «Старэй за 1142».
Дата: 13 красавіка
Час: 17.30
Месца: палац Румянцавых і Паскевічаў, пл. Леніна, 4, Гомель
«Старажытны горад на зямлі радзімічаў» — гэта ўжо трэцяя сустрэча, якая распавядзе пра чарговы этап гомельскай гісторыі.
Будуць гутарыць пра часы, абвеяныя легендамі: калі на нашай зямлі з’явіліся славянскія насельнікі.
Вы даведаецеся пра самы ранні зафіксаваны археолагамі на тэрыторыі гістарычнага цэнтра Гомеля дом, які з’явіўся не пазней за 1400 гадоў таму. Дзе менавіта ён размяшчаўся? Як ён выглядаў? Каму належаў? Чым займаліся яго ўладальнікі?
Адказы на гэтыя і іншыя пытаннечкі атрымаеце падчас лекцыі.
Зірніце на Гомель вачыма археолага!
Уваход — па квітку ў музей.
