Літаратурны сняданак з Ганнай Севярынец пра «Мову» Віктара Марціновіча

21 траўня на літаратурным сняданку з Ганнай Севярынец у таймкафэ «Нянудны дом» абмяркуюць «Мову» Віктара Марціновіча.

---

Дата: 21 траўня

Час: 10:00

Месца: таймкафэ «Нянудны дом», вул. Авіяцыйная, 14, Новая Баравая, Мінск

Віктар Марціновіч — чэмпіён сучаснай беларускай літаратуры па колькасці прыхільнікаў-чытачоў і па колькасці адмоўных рэцэнзій. Менавіта ягоны прыклад сведчыць: перш чым чытаць рэцэнзіі, трэба прачытаць кнігу, а крытыка — не заўсёды ісціна ў апошняй інстанцыі.

Адзін з найлепшых раманаў аднаго з самых гучных пісьменнікаў беларускай сучаснасці — як ён прачытаецца неангажаванаму чытачу?

Вядучая сустрэчы — Ганна Севярынец, педагог, літаратуразнаўца, пісьменніца, аўтарка кніг «Дзень святога Патрыка», «Гасцiнiца Бельгiя» і інш.

Кошт квітка — 45 рублёў (уключаючы кава-паўзу)

Запісацца на сняданак і задаць пытанні можна па тэлефоне таймкафе: +375295142114 (viber, telegram).