У сераду, 15 сакавіка, радыё «Capital» і арт-праект «Revolution» клічуць на імпрэзу «MUSE YOUR WEAPON» у падтрымку Украіны.
Дата: 15 сакавіка
Час: з 19.00 да 02.00 (час мясцовы)
Месца: клуб «Chmury», 11 listopada 22, Варшава
Гэта будзе міждысцыплінарны вечар ангажаванага мастацтва.
У адмыслова абсталяванай прасторы прапануюць паглядзець фільмы арт-праекта, стварыць малюнкі і скульптуры, паразмаўляць аб правах чалавека і ролі мастацтва, паслухаць канцэрт і радыёспектакль, а напрыканцы — танчыць! Бо ўсе музы могуць аб’яднаць нас у дзеянні, супраціве і нязгодзе з статус-кво.
У вечарыне бяруць удзел мастакі:
Анастасія Рыдлеўская (BY)
Vrogini (PL)
Ігар Пісук (PL)
Галіна Дудар (UA)
Вось што ў праграме:
19:30 радыёспектакль «Сябры слухаюць вайну» пра аўдыясферу вайны ва Украіне (рэж. Роза Саркісян, словы: Люба Ільніцкая, музыка: Алеся Анікіенка);
20:15 паказ кароткаметражных фільмаў арт-праекта «Revolution». Пасля прагляду будзе дыскусія з удзелам аўтарак і запрошаных гасцей;
22:00 Канцэрт Аляксея Падата, кіеўскага музыкі, які працуе ў міксе эксперыментальнай электронікі, нойза і эмбіента.
23:00 dj-set ад радыё «Капітал». Для вас зайграюць Matka Boska Rejwowa b2b, Matka Boska Kapslokowa і DJ z Wąsem.
Квіткі — 30 злотых на ўваходзе. Усе сабраныя сродкі накіруюць у фонд «Музыкі абараняюць Украіну».
