Музей кнігі запрашае на заняткі “Рукапісная кніга”
Пачатак: 04.02 (12:00)Канец: 04.02 (12:00)
Музей кнігі Нацыянальнай бібліятэкі Беларусі
Запрашаем 4 лютага 2017 г. а 12-ай гадзіне дзяцей 6–12 гадоў і іх бацькоў у Музей кнігі Нацыянальнай бібліятэкі Беларусі на заняткі па тэме “Рукапісная кніга”.
Рукапісная кніга з’яўлялася падмуркам для стварэння кнігадрукавання. У скрыпторыях Беларусі рукапісы ствараліся з найдаўнейшых часоў – яшчэ з 11–12 стагоддзяў. У выніку за стагоддзі нашымі продкамі была створана надзвычай багатая і разнастайная рукапісная кніжная спадчына. Рукапісныя кнігі звяртаюць на сябе ўвагу дзякуючы ў тым ліку сваёй мастацкай аздобе. Мноства маляўнічых ініцыялаў сустракаецца ў рукапісных кнігах, і кожны з’яўляецца ўнікальным творам мастацтва. Удзельнікі заняткаў створаць свой непаўторны ініцыял.
Дзеці і дарослыя будуць мець магчымасць на ўласныя вочы ўбачыць артэфакты з мінулага – рукапісныя кніжныя помнікі, якім ужо 500 і больш гадоў. Заняткі праводзяцца ў даступнай і займальнай форме. Пазнанне разнастайнасці кніжнай культуры адбываецца праз дыялог, гульні і творчасць.
Чакаем усіх у Музеі кнігі Нацыянальнай бібліятэкі Беларусі!
Будзьма святкаваць значны юбілей – 500-годдзе беларускага кнігадрукавання разам!
Працягласць заняткаў – 60 хвілін.
Кошт заняткаў з матэрыялам для творчага задання: 3.70 (тры рублі семдзесят капеек).
Адрас: Нацыянальная бібліятэка Беларусі, пр. Незалежнасці, 116, г. Мінск, 220114, Беларусь
Кантактная інфармацыя:
тэлефоны: (8 017) 293 27 82, (8 025) 994 21 12
