Наконадні сонцавароту будзем сустракаць самы даўгі дзень года з гарбатай і пры свечках у кнігарні логвінаЎ (Незалежнасьці 37а) пад песні аднаго з яскравых гітарных аўтараў. Мы запрашае на начны акустычны канцэрт Яўгена Барышнікава.
20 чэрвеня, чацвер. Пачатак а 22.00. Уваход вольны.
Крыху пра выканаўцу. Бард-рок? Dark-folk? Песні менестрэляў? Акустычны метал? Важнае не столькі імя, колькі змест…Спалучаючы тэхнічнасць акампаніменту, у меру эмацыйную падачу і глыбока прасякнутыя “тутэйшасцю” тэксты, Яўген спрабуе выйсці па-за асады стэрэатыпных уяўленняў пра чалавека з акустычнай гітарай.
Яўген — пераможца фестывалю “Бардаўская восень 2010” (Бельск, Польшча), лаўрэат фэстываляў аўтарскай песні Фэст-А 2006 (Менск), OPPA 2009 (Варшава), Купалаўскія вакацыі (2010, Менск). Выступаў на канцэртных пляцоўках, клубах і кватэрніках.
