У суботу, 18 траўня, у музеі народнай архітэктуры і побыту ў Азярцы будзе Ноч музеяў.
Дата: 18 траўня
Час: з 20:00 да 23:00
Месца: музей народнай архітэктуры і побыту, Азярцо, Мінскі раён
Вас чакаюць незвычайныя і таемныя гісторыі пад начным зорным небам.
Эксклюзіўная містычная экскурсія, нечаканыя з’яўленні міфічных персанажаў, полымя ачышчальнага вогнішча разгоняць цемру і парушаць цішыню бяскрайніх абшараў музейнай вёскі.
У гэтую ноч сцяжынкі ўздоўж хат будуць асвятляць толькі ліхтары і дапытлівыя вочы гасцей.
Вас чакае:
Містычная экскурсія пры святле ліхтароў;
Міфічныя персанажы;
Музычная праграма ад гурта «KAS»;
Атмасфера начной беларускай вёскі XIX стагоддзя;
Традыцыйныя танцы i гульні;
Начное вогнішча.
Кошт квіткоў:
для дарослых — 15 рублёў; студэнтаў — 7 рублёў; школьнікаў — 7 рублёў; для дашкольнікаў — бясплатна.
