29 кастрычніка, у суботу, беларусы Брэмена ладзяць імпрэзу ў памяць пра Чорную ноч 29 кастрычніка 1937 года, калі ў засценку НКУС былі расстраляныя больш за сто чалавек — і шмат сярод іх было творцаў.
Дата: 29 кастрычніка
Час: з 14.00 да 17.30 (час мясцовы)
Месца: зала гарадской бібліятэкі, Am Wall 201, Брэмен
Вось што будзе падчас імпрэзы:
14:00-15:30 Дыскусія «Рэпрэсіі работнікаў культуры Беларусі з савецкага часу да нашых дзён».
Удзел бяруць доктар Аляксандр Фрыдман, доктарка Ірына Кашталян, Маша Рубіна, Лібусэ Чэрна.
Мадэратар — доктар Сайман Льюіс.
Чытанне вершаў на беларускай мове з нямецкім перакладам.
15:30-16:00 перапынак
16:00-17:00 Дыскусія «Беларуская літаратура: выжыць, нягледзячы на рэпрэсіі і вайну».
Удзел бяруць Андрэй Хадановіч і доктар Гун-Брыт Колер. Мадэратар — Лібусэ Чэрна.
17:00-17:30 Канцэрт беларускіх песень ад Маргарыты Ляўчук і Андрэя Павука.
Таксама будуць працаваць выстава «Палітвязні ў Беларусі» і «кніжны стол» з падборкай важных беларускіх кніг у перакладзе на нямецкую мову.
Імпрэзу ладзіць беларуская суполка РАЗАМ e.V. і Брэменская гарадская бібліятэка.
Квіткі за ахвяраванне любой сумы (і без ахвяравання) можна набыць па спасылцы.
