У пятніцу, 2 жніўня, кампазітарка Вольга Падгайская зайграе ў прасторы «MIT» акампанемент да нямога кінасеанса.
Дата: 2 жніўня
Час: 19.00 (час мясцовы)
Месца: прастора «MIT», Stalowa, 36, Варшава
У праграме:
«Падарожжа на Месяц», Жорж Мельес, 1902
Першы навукова-фантастычны фільм і кароткаметражная фарсавая камедыя, у якой у Месяца ёсць вочы, касмічны карабель мае форму снарада, а ў пячорах растуць грыбы.
«Асаблівая прыкмета», Эдвард Ф. Кляйн, Бастэр Кітан, 1921
Да болю смешная (і нават ледзь-ледзь драматычная) камедыя, у якой герой-працаўнік ціра звязваецца з небяспечнай бандай і становіцца выратавальнікам яе патэнцыйных ахвяр.
І ўсё гэта пад чароўную фартэпіянную музыку кампазітаркі, арганісткі Вольгі Падгайскай.
Уваход — 80 злотых. Запісвайцеся па спасылцы.
