2 траўня экскурсійны праект «Набліжэнне» запрашае на шпацыр па мікрараёне Усход-1 з экскурсаводкай і мясцовай жыхаркай Вольгай Абразцовай.
Дата: 2 траўня
Час: 14.00
Месца збору: вул. Каліноўскага, 82/2, Мінск
«Мы жывем на рагу Скарыны і Каліноўскага» — так маглі сказаць пра сябе жыхары мікрараёна Усход-1 у дзевяностыя — пачатку двухтысячных. «Нас кожны дзень паказваюць па цэнтральным тэлебачанні» — так маглі сказаць мясцовыя ў васьмідзесятыя гады.
Падчас шпацыру вы:
— паспрабуеце адшукаць Шчасце;
— разгадаеце таямніцы агромністых мазаік на шаснаццаціпавярховіках;
— пабачыце мамантаў;
— паспрабуеце ўявіць вісячыя сады на дахах;
— даведаецеся, пры чым тут Радзівілы, людзі на балоце і шляхціц Завальня.
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца — проста прыходзьце.
