У пятніцу, 20 студзеня, у Беларускім Моладзевым Хабе адбудзецца паказ аўтарскага фільма «ПРАТЭСТ», прысвечанага, як можна здагадацца, беларускім пратэстам. Рэжысёр — Мікалай Давідчык, актывіст з Ліды.
Дата: 20 студзеня
Час: 18.00 (час мясцовы)
Месца: Беларускі Моладзевы Хаб, plac Konstytucji 6, Варшава
У фільме распавядаецца гісторыя пратэсту звычайнага беларуса, які пасля 2020 года кардынальна змяніў сваё жыццё.
Гэта гісторыя асабістага досведу: пратэсты — затрыманне — турма — незаконнае перасячэнне мяжы — эміграцыя ўдалечыні ад родных...
«Упэўнены, што кожны зможа ўбачыць у маім фільме часцінку асабістай гісторыі. Часта, каб рухацца наперад неабходна зноў прайсці мінулае і зрабіць працу над памылкамі», — кажа спадар Мікалай.
Пасля фільма будзе гутарка з рэжысёрам.
Уваход вольны.
