Беларускі дом у Вільні запрашае ў суботу 21 снежня на прэзентацыю кнігі вершаў Андрэя Хадановіча да оперы «Дзікае паляванне караля Стаха» паводле культавай аповесці Уладзіміра Караткевіча.
Дата: 21 снежня
Час: 18:00-20:00 (час мясцовы)
Месца: Беларускі дом (Vilniaus, 20), Вільня
Падчас яе прэзентацыі аўтар прачытае шэраг натхнёных Караткевічам зонгаў і раскажа пра стварэнне оперы і кнігі вершаў да яе. Чаму Караткевіч і сёння найактуальнейшы для нас аўтар? Ці адгукнулася «Дзікае паляванне» на рэпрэсіі ў Беларусі і вайну супраць Украіны? Як класічная проза пераўвасаблялася ў вершы, а ўкраінскія зоркі вучыліся спяваць па-беларуску?
Бонусам спаткання будуць калядныя вершы, пераклады і песні паэта. Падчас прэзентацыі можна будзе набыць кнігу «Дзікае паляванне караля Стаха: вершы да оперы», а таксама іншыя паэтычныя кнігі Андрэя Хадановіча.
