Прэзентацыя кнігі «Беларусы ў Польскім Войску (1919-1947)» у Празе

У пятніцу, 13 снежня, Беларускі інстытут у Празе запрашае на прэзентацыю кнігі Юрыя Грыбоўскага «Беларусы ў Польскім Войску (1919-1947)».

---

Дата: 13 снежня

Час: 18.00 (час мясцовы)

Месца: Božská lahvice, Bílkova 122/6, Прага 

Кніга распавядае пра ўдзел беларусаў у рэгулярных фармаваннях Польскага Войска падчас польска-савецкай вайны, у міжваенны час, падчас Другой сусветнай вайны і пасля яе заканчэння. 

Гэта плён шматгадовай працы ў архівах Польшчы, Беларусі, Вялікабрытаніі, Германіі, Літвы, Канады і Расіі. 

Аўтар засяродзіў увагу на такіх аспектах, як стаўленне польскіх грамадзян беларускай нацыянальнасці да выканання жаўнерскага абавязку, палітыка польскіх улад да вайскоўцаў-беларусаў, іх удзел у баявых дзеяннях на тэрыторыі Польшчы, Беларусі, Італіі, Францыі, Нідэрландаў, Бельгіі, Германіі, Вялікабрытаніі, Нарвегіі, Паўночнай Афрыкі, на Атлантычным акіяне. 

Кніга прысвечана дзясяткам тысяч беларусаў, якія змагаліся ў польскім мундуры, аднак працяглы час былі забытымі на бацькаўшчыне. 

Уваход вольны.