Прэзентацыя кніг Кацярыны Массэ і Кацярыны Ваданосавай
02.02.2016
19:00 - 21:00
кнігарня “Галіяфы” (вул. Старавіленская,6)
Бясплатнае
2 лютага а 19-ай гадзіне ў кнігарні “Галіяфы” у Траецкім прадмесці (вул. Старавіленская,6) адбудзецца доўгачаканая прэзентацыя электронных зборнікаў вершаў двух маладых паэтак – Кацярыны Массэ і Кацярыны Ваданосавай.
Гэтыя дзве кнігі аб’ядноўваюць некалькі рэчаў: электронны фармат зборнікаў, што ўжо незвычайна для беларускай кнігавыдавецкай справы, для аўтараў яны з’яўляюцца дэбютнымі і выйшлі адначасова пад шыльдай новага праекта “Электронная бібліятэчка часопіса “Верасень”.
Змест кожнай кнігі цалкам адметны. Калі для творчасці Кацярыны Ваданосавай уласцівыя рамантычныя настроі, натхнёныя эпохай сярэднявечча і гераічнымі часамі з твораў “фэнтэзі”, то вершы Кацярыны Массэ гучаць як суцэльная аўтарская рэфлексія, накіраваная на вывучэнне ўнутранага свету і пошукі свайго месца ў неспакойным свеце. Пачуць цудоўныя, жывыя вершы ад аўтараў – не прапусціце такой магчымасці!
Ноў-хаў мерапрыемства ў “Галіяфах” стане прэм’ерны паказ буктрэйлераў, якія адмыслова былі знятыя з нагоды выхаду паэтычных зборнікаў. Акрамя таго, гасцей чакае музычная імпрэза з удзелам барда Эдуарда Акуліна і гурта Кацярыны Ваданосавай.
Прыходзьце а 19-ай гадзіне ў аўторак, будзе цікава!
А кнігі можна набыць на кніжных платформах Smashwords.com, Barnes&Noble, Kobobooks, а з аўторка – праз партал kniharnia.by.
