Цэнтр беларускай культуры і супольнасці запрашае бацькоў на семінар «Бацькоўскай школкі», каб навучыцца заўважаць, ці патрэбна дзіцяці псіхалагічная падтрымка спецыяліста.
Дата: 15 студзеня
Час: 10:40 (час мясцовы)
Месца: Vilniaus g., 20, Вільня
Пасля падзей 2020 года дарослыя ўсё часцей звяртаюцца па псіхалагічную дапамогу: многім беларусам давялося перажыць несправядлівыя судовыя прысуды, жорсткія затрыманні, катаванні. Ды і проста без падтрымкі псіхолага цяжка справіцца са ўзмоцненым працяглым стрэсам і трывогай.
Дзеці ж, у адрозненне ад дарослых, яшчэ не здольныя акрэсліваць словамі свой стан і патрэбу ў падтрымцы. Але ж ёсць некалькі заўважных прыкмет у іх паводзінах, па якіх можна зразумець, што дзіцяці неабходна псіхалагічная падтрымка спецыяліста, і звярнуцца да яго своечасова.
На семінары распавядуць пра гэтыя сімптомы і «падказкі», якія невербальна дасылаюць нам дзеці.
