У сераду, 24 траўня, Света Бень і тэатр «Кардонка» паказваюць у Берліне свой новы сямейны спектаклік «Беспрацоўнае дрэва».
Дата: 24 траўня
Час: 16.00 (час мясцовы)
Месца: PANDA Platforma, Knaackstraße 97, Берлін
Гэта гісторыя пра дрэва, якое змушана пакінуць парк, дзе ўсё сваё жыццё прапрацавала... дрэвам. Яго чакае дарога, напоўненая прыгодамі, то цудоўнымі, то небяспечнымі, а то і абсалютна нечаканымі.
Гэта гісторыя пра тое, што кожны можа дапамагаць іншым, знайсці сяброў і сваю важную справу. Нават калі ты пазбаўлены дома і звыклага ўкладу жыцця.
Запрашаюцца дзеткі ад 5 гадоў і добра выхаваныя дарослыя.
Рэжысёрка і апавядальніца — Святлана Бень. Мастачка — Ліна Хесіна.
Спектакль доўжыцца 1 гадзіну.
Квіткі коштам 10 еўра можна набыць па спасылцы.
