У суботу зранку, 22 красавіка, Света Бень і тэатр «Кардонка» паказваюць у Празе свой новы сямейны спектаклік «Беспрацоўнае дрэва».
Дата: 22 красавіка
Час: 10.30 (час мясцовы)
Месца: прастора «Punctum», Krásova 27, Прага 3
Гэта гісторыя пра дрэва, якое змушана пакінуць парк, дзе ўсё сваё жыццё прапрацавала... дрэвам. Яго чакае дарога, напоўненая прыгодамі, то цудоўнымі, то небяспечнымі, а то і абсалютна нечаканымі.
Гэта гісторыя пра тое, што кожны можа дапамагаць іншым, знайсці сяброў і сваю важную справу. Нават калі ты пазбаўлены дома і звыклага ўкладу жыцця. Запрашаюцца дзеткі ад 5 гадоў і добра выхаваныя дарослыя.
Рэжысёрка — Святлана Бень.
Мастачка — Ліна Хесіна.
Квіткі коштам 400 крон можна набыць па спасылцы.
