У суботу, 7 снежня, тэатр «Кардонка» і Света Бень граюць у прасторы «МУ» спектакль для ўсёй сям’і «Дзверцы ў сэрцы».
Дата і час: 7 снежня ў 17.00
Месца: прастора «МУ», Fredry 5, Познань
Вас чакае гісторыя Каляд, якая распавядае пра тое, як усё было насамрэч шмат-шмат гадоў таму.
Ці, можа, адбываецца тут і цяпер?
Кардонныя фігуркі тэатра ценяў, вершы і музыка, няспешны расповед.
Усе падзеі разгорнуцца наўпрост ў цэнтры Віфлеемскай зоркі, якую па традыцыі насілі ў гэты вечар, запальваючы ўнутры яе свечкі і агеньчыкі.
Гісторыю раскажа і пакажа Света Бень з музычнай падтрымкай Ліны Хессэ.
Уваход — free donation ад 20 злотых.
