Сустрэча «Спаваздача з раю», прысвечаная паэзіі Збігнева Герберта
Пачатак: 25.06 (18:00)Канец: 25.06 (20:00)
Прастора польскай культуры
![](/upload/resize_cache/iblock/c48/850_850_0/76n25daf7543nv2hvo2w38rxy7xxx5ps.jpg)
У чарговым выпуску «Санаторыя пад клепсідрай» мова пойдзе пра культавага польскага паэта ХХ стагоддзя Збігнева Герберта (1924-1998), геніяльнага лірыка, драматурга і аўтара інтэлектуальнай эсэістыкі. Сімвалічная нагода для дыскусіі — стогадовы юбілей «прынца паэтаў», як называюць Герберта ў Польшчы.
Дата: 25 чэрвеня
Час: 18.00
Месца: анлайн
Спецыяльнай госцяй сустрэчы выступіць перакладчыца польскай літаратуры Марына Казлоўская, якая разам з мадэратарам, паэтам і перакладчыкам Андрэем Хадановічам, паразважае пра гербертаўскую паэзію і досвед яе перакладу на беларускую мову, закрануўшы наступныя пытанні:
- «Перад зачыненай брамай майго гораду»: неназваны Львоў у вершах паэта.
- Вобразы дзяцінства і феномен памяці.
- Паэтычная проза (верш у прозе) у «ранняй» лірыцы Герберта.
- Гербертаўскі «класіцызм».
- Роля вечных вобразаў сусветнай культуры.
- «Нябесныя пралетары»: жанр (анты)утопіі ў аўтара «Справаздачы з раю».
- «Пан Когіта» як інтэлектуальнае і паэтычнае alter ego творцы.
- Маральная пазіцыя аўтара «Рэпартажу з гораду ў аблозе».
- Эстэтычная прырода пратэсту («Моц густу»).
«Збігнеў Герберт — прадстаўнік пакалення-1956, загартаванага агнём Варшавы. Пакалення вывіхнутага веку. Пакалення паэтаў-маралістаў, што імкнуліся абараніць права асобы быць сабой і захаваць чалавечую годнасць, супрацьпаставіўшы спрадвечныя каштоўнасці навязанаму звонку абсурду, у якім адзіным дазволеным чалавеку пачуццём быў штодзённы жах.
Паэзія — дачка памяці. Для Збігнева Герберта памяць стала пакліканнем, абавязкам, цяжарам, з якім трэба было наноў вучыцца жыць, дыхаць, верыць і дараваць».
Марына Казлоўская, з прадмовы да кнігі З. Герберта «Рэканструкцыя паэта»