Нацыянальны мастацкі музей запрашае на сустрэчу з мастаком-рэстаўратарам Цімафеем Палуніным на выставе «Выратаваныя мастацкія каштоўнасці».

---

Дата: 3 лютага

Час: 18.30

Месца: Нацыянальны мастацкі музей, вул. К. Маркса, 24, Мінск

На экскурсіі з мастаком-рэстаўратарам сектара рэстаўрацыі алейнага жывапісу Нацыянальнага мастацкага музея Цімафеем Палуніным пойдзе гаворка пра тое, як адбываецца працэс рэстаўрацыі, якія цяжкасці, адкрыцці і перамогі чакаюць «лекараў даўніны» на іх прафесійным шляху. І, вядома, кожны жадаючы зможа атрымаць адказы на свае пытанні.

Звяртаем вашу ўвагу, што ўваход на сустрэчу ажыццяўляецца праз выставачны корпус музея (К. Маркса, 24).

Колькасць удзельнікаў абмежаваная, неабходны папярэдні запіс па тэл.: (017) 397-01-63.