Літаратура Гамбург
Канец: 19.05 (21:00)
універсітэцкая бібліятэка імя Карла фон Асецкага
«Свабода думкі. 100 гісторый з турмы. Максім Знак» Імпрэза ў Гамбургу
Пачатак: 19.05 (19:00)Канец: 19.05 (21:00)
універсітэцкая бібліятэка імя Карла фон Асецкага
(Гамбург, Von-Melle-Park 3)
У пятніцу, 19 траўня, у Гамбургу адбудзецца імпрэза, прысвечаная Максіму Знаку і беларускім палітвязням.
Дата: 19 траўня
Час: 19.00 (час мясцовы)
Месца: універсітэцкая бібліятэка імя Карла фон Асецкага, Von-Melle-Park 3, Гамбург
Максім Знак быў арыштаваны восенню 2020 года і 6 верасня 2021 года асуджаны на дзесяць гадоў пазбаўлення волі. Сваю кнігу «Зэкамерон», зборнік са ста міні-апавяданняў, ён напісаў у першы год зняволення. З іроніяй ён распавядае пра свае новыя будні і такім чынам дае нам зразумець унутраную працу беларускага апарату прыгнёту.
Акцёр Ян Уплегер прачытае ўрыўкі з «Зэкамерона».
Таксама будзе гутарка з гісторыкам Аляксандрам Фрыдманам і адвакаткай Людмілай Казак пра тэксты Максіма Знака і пра цяперашнюю сітуацыю ў Беларусі.
Мадэратарка — Крысцін Гербердынг.
Уваход вольны, вітаюцца ахвяраванні для беларускіх палітвязняў.
