Грамадская культурніцкая кампанія “Будзьма беларусамі!” і SYMPA запрашаюць на ток-шоў “Орша: у пошуках гарадской ідэнтычнасці” 18 снежня.
Орша — горад з багатай гісторыяй і супярэчлівай сучаснай інтэрпрэтацыяй. Як гэта — быць горадам на скрыжаванні дарог? Радзіма Уладзіміра Караткевіча ці горад дзвюх турмаў — які з вобразаў больш устойлівы? Што рабіць моладзі ў горадзе без універсітэта? Гэтыя і іншыя пытанні прагучаць на ток-шоў “Орша: у пошуках гарадской ідэнтычнасці”.
Запрошаныя эксперты:
Раман Воранаў, гісторык, адміністратар культурніцкіх праектаў;
Ігар Казмерчак, грамадскі актывіст, рэдактар “Аршанскага рэгіянальнага партала”;
Наталля Халанская дырэктарка тайм-клуба “13:87”, куратар стартап-школы, сацыяльны прадпрымальнік і грамадская актывістка (Бабруйск).
Падчас адкрытай дыскусіі мы абмяркуем сучаснае гарадское жыццё Оршы, вобраз горада ў СМІ і публічнай прасторы, магчымыя кірункі развіцця і ўдзел у гэтым мясцовых супольнасцяў. Запрашаем усіх ахвочых!
18 снежня, 18:00
канферэнц-зала гасцініцы “Орша”
(вул. Міра, 11)
