Творчая кухня з Антонам Рудаком

Пачатак: 21.04 (19:00)
Канец: 21.04 (19:00)

21 красавіка (серада) а 19.00 адбудзецца «Творчая кухня» з паэтам і гісторыкам Антонам Рудаком. Антон Рудак — аўтар паэтычнай кнігі «Верхні горад», фіналіст прэміі «Дэбют», лаўрэат прэміі «Кніга году». Мы абмяркуем, як суіснуюць у адным чалавеку «паэт» і «гісторык», якую ролю ў жыцці Антона адыграў Уладзімір Караткевіч і адкуль з’яўляецца «другое творчае дыханне».

Таксама Антон прачытае некалькі вершаў і адкажа на пытанні гледачоў. Глядзець трансляцыю можна ў сацсетках Беларускага ПЭНа і «Еўрарадыё» і на Youtube па спасылцы.

«Творчая кухня» — сумесны праект «Еўрарадыё» і Беларускага ПЭН-цэнтра. Гэта праграма, дзе літаратары дзеляцца сваёй творчасцю анлайн: чытаюць вершы, прозу, пераклады, спяваюць, расказваюць пра сваё жыцця падчас пандэміі і грамадска-палітычнага крызісу і адказваюць на пытанні гледачоў.