Тычыцца: ці падаўляць свайго ўнутранага фашыста?

17.10.2016 19:00 - 20:00 Unnamed Venue (Прастора КХ) Бясплатнае

Калі Вы жывеце ў Брэсце, Вам проста неабходна пагаварыць з намі пра глыбінны антыфашызм менавіта зараз. Запрашаем Вас на сумесны семінар Моладзевай Праваабарончай Групы-Беларусь і праваабарончай ініцыятывы “Human Constanta” 17 кастрычніка ў Брэсце.

Напэўна, Вы лічыце, што тэма фашызму зусім не тычыцца сучаснага беларуса, які жывем у мірны час у сваім мірным горадзе. Але ўсё далёка не так проста. Сёння менавіта ў Брэсце знаходзяцца некалькі тысяч бежанцаў з Чачні, якія вымушаныя заставацца тут на месяцы, таму што Польшча не прымае іх у сябе. Напэўна, Вы чулі пра гэта і бачыце гэтых людзей у сваім родным горадзе. Што Вы адчуваеце, сустракаючыся з імі?

Мы вельмі рады, калі ў Вас не ўзнікае грэбавання і адчування дыскамфорту пры сутыкненні з прадстаўнікамі іншых меншасцяў. Аднак часцяком менавіта агрэсіўная рэакцыя характэрна для многіх іншых людзей, якіх ні ў якім разе нельга назваць дрэннымі. Чаму так адбываецца? Чым лічым такія рэакцыі небяспечнымі? І чаму з гэтым вельмі важна працаваць кожнаму з нас?

Пра што гаворка? Якая агрэсія ў адносінах да іншых? Які фашызм? Звычайны. Мы прапануем Вам пагаварыць пра з’яву, якую ўжо даўно не варта асацыяваць толькі з Германіяй, пачаткам ХХ стагоддзя і Халакостам.

Мы прапануем Вам прыйсці на сустрэчу і пагутарыць не толькі з намі, але і з самім сабой.

Запрашаем на ўводны курс у канцэпцыю “Глыбінны антыфашызм”. Брэст. 17 кастрычніка (панядзелак). Пачатак а 19:00.

Акрамя гэтага, у рамках дадзенага семінара будзе прадстаўленая выстава, падрыхтаваная Моладзевай Праваабарончай Групай-Беларусь (Беларусь-МПГ). Працы, якія Вы ўбачыце, распавядуць Вам пра тое, што правы чалавека – пра кожнага з нас, а арт-мова – той інструмент, які нават без спецыяльных навыкаў дапамагае трансляваць нешта важнае. І не абавязкова быць прызнаным мастаком, каб змяняць свет вакол. Тэмы адукацыі, самаразвіцця, недыскрымінацыі, салідарнасці, міратворчасці і імкнення да справядлівасці сталі ключавымі кропкамі адліку творчага імпульсу.

Мы вельмі чакаем Вас на нашым мерапрыемстве. Спадзяемся, Вы зацікавіліся і ўжо гатовыя запоўніць анкету ўдзельніка да 15 га кастрычніка (уключна).

Калі? 17 кастрычніка (панядзелак).

У колькі? 19.00.

Дзе? Брэст, Прастора КХ (адрас прышлем пасля запаўнення анкеты).

Таксама прапануем Вам далучыцца да кампаніі па збору цёплых рэчаў для ўцекачоў, якія зараз знаходзяцца ў Брэсце і праводзяць шмат часу ў халодным будынку вакзала. Прыносьце вопратку (кофты, курткі, абутак) прама на семінар і мы абавязкова ўсё перададзім тым, хто вельмі мае патрэбу ў гэтых цёплых рэчах.

Да сувязі і сустрэчы!

 


Вам можа быць цікава

Выстава пісанак «Знакі жыцця» ў Заслаўі

10.04.2025 11:00 - 01.06.2025 17:00 Музей беларускай маляванкі (вул. Дачная, д.13)

Лекцыя «Беларуская рэжысура: Анатоль Ляляўскі» ў Мінску

14.05.2025 (18:00 - 19:00) Цэнтр беларускай драматургіі (Крапоткіна, 44)

Света Бень у Познані

15.05.2025 (20:30 - 23:00) MY pod sceną (27 grudnia 8/10)

Піт Паўлаў у Афенбаху

01.06.2025 (19:00 - 21:00) Waggon am Kulturgleis (Mainstraße 1)

Апошняе
на Budzma.org

чытаць яшчэ