Любіш адпачываць актыўна? Далучайся! Зробім «Свята ветру» разам!
Фэст актыўнага адпачынку «Свята ветру» запрашае 28 чэрвеня (12.00 — 18.00) у Парк Мазурына!
Вас чакаюць
— конкурс паветраных змеяў
— разнастайныя актыўныя гульні
— дзіцячая пляцоўка з фарбамі, крэйдамі ды іншымі вясёлымі нішцякамі
— канцэрт шаманскіх рок-н-роллшчыкаў — гурта Vuraj
Што яшчэ? Залежыць ад вас!
Маеце ідэі? Далучайцеся — зробім «Свята ветру» разам!
Інфа: 0298940517
Свята ветру — адзін з нефармальных брэндаў Віцебска — праводзілася ў горадзе ў сярэдзіне
2000-х і збірала сотні неабыякавых гараджан.
Цэнтральнай праявай заўсёды быў конкурс паветраных змеяў, што выглядала, як незабыўнае відовішча.
Сёння мы спрабуем аднавіць слаўную гарадскую традыцыю і заклікаем далучацца ўсіх актыўных-крэатыўных для таго, каб зрабіць свята сабе і кожнаму!
Падзея праводзіцца пры падтрымцы Аддзела ідэалогіі, культуры і па справах моладзі Віцебскага гарвыканкама, грамадска-культурніцкай кампаніі «Будзьма Беларусамі» і Гарадскога Цэнтра Культуры.
