У сераду, 21 снежня, у Вільні пакажуць відэаінсталяцыю INNER RAVE, якую ўжо прэзентавалі беларусам Варшавы, Кракава, Лодзі і Беластока.
Дата: 21 снежня
Час: 20.00 (час мясцовы)
Месца: CreateCulture Space, Karmelitų g. 5, Вільня
Гэта дакументальная відэапартытура, якая пачынаецца ў бестурботным 2019 годзе і доўжыцца да гэтага часу.
З 2019 па 2022 гады адбылося шмат знакавых для беларусаў паздей: пандэмія каронавіруса, выбары ў Беларусі і іх наступствы, вайна ва Украіне. Навіны з нашага тэлефона сталі трыгернай кропкай. Мы іх чыталі, мы іх баяліся, яны шакавалі і выклікалі шквал пачуццяў.
INNER RAVE — гісторыя гісторыі пра будні, вечарынкі і эміграцыі. Растанне з сябрамі, пераход на беларускую мову, глабальны пошук ідэнтычнасці і сталення. Усё, што да болю знаёма кожнаму, зафіксавана праз экраны нашых тэлефонаў.
Уваход вольны!
