3 сакавіка на плошчы Свабоды ў Познані пройдзе вялікі дабрачынны канцэрт, мэтай якога стане фінансавая і маральная падтрымка ўкраінцаў у такі цяжкі для іх час.
Дата: 3 сакавіка
Час: 18.00 (час мясцовы)
Месца: plac Wolności, Познань
Акцыя называецца «Światło dla Ukrainy» («Святло для Украіны»), бо многія будынкі ў горадзе ў гэты дзень будуць сімвалічна падсветлены ў колеры ўкраінскага флага.
Падчас канцэрта гледачы змогуць ахвяраваць грошы валанцёрам Польскага Чырвонага Крыжа і Польскай Гуманітарнай Акцыі, якія зараз падтрымліваюць пакутуючых ад вайны ўкраінцаў.
Выступаць на сцэне ў гэты дзень будуць Małgorzata Ostrowska, Peja, Paluch, Bibobit, Rosalie., Muchy, Donguralesko, Michał Kowalonek, Kasia Wilk, Mezo, Luna, Gonzo, а таксама Pola Chobot & Adam Baran і іншыя музыкі.
