У пятніцу, 2 чэрвеня, у Познані адкрываецца выстава Аляксандра Данілкіна «Курапаты. партрэт».
Дата: 2 чэрвеня
Час: 19.00 (час мясцовы)
Месца: Barak Kultury, al. Marcinkowskiego 21, Познань
Выстава асэнсоўвае гістарычную траўму, звязаную з Вялікім тэрорам і расстрэламі ў Курапатах.
Працуючы над гэтым праектам, спадар Аляксандр меў на мэце сімвалічна паказаць велізарнасць страт з дапамогай грабеньчыка, знойдзенага пры эксгумацыі масавых пахаванняў. На ім былі выбіты вельмі эмацыянальныя надпісы — «Цяжкія хвіліны вязня. Мінск 25 красавіка 1940 г. Думка пра цябе зводзіць мяне з розуму» і «26 красавіка я плакаў — цяжкі дзень».
Выстава працуе па 14 чэрвеня.
Уваход вольны.
