У сераду, 18 кастрычніка, у Гарадзенскай выставачнай зале адкрываецца выстава маладых мастакоў Гродна «8».
Дата: 18 кастрычніка
Час: 17.30
Месца: выставачная зала, вул. Ажэшкі, 38, Гродна
Лічба «8» у назве выставы нясе ў сабе сімволіку.
Васьмікутнік — пачатак ператварэння квадрата ў круг і наадварот. Як сіметрычная лічба, якая ўяўляе сабой павернуты знак бясконцасці, гэта — сімвалічны выраз ліку бясконцасці, абазначае раздвоенасць, адначасова два светы: матэрыяльны і духоўны. Гэта лік актавы (7 + 1) і ўсяго, што пачынаецца нанова.
Кожны з удзельнікаў выставачнага праекта «8» стварыў свой арыгінальны погляд і творчы метад.
У экспазіцыі — графіка, жывапіс, відэа-арт, інсталяцыя.
Прыходзьце пазнаёміцца з маладымі гарадзенскімі творцамі!
Кошт квіткоў:
дарослыя — 3 рублі. студэнты — 2,50 рублі. школьнікі — 1,50 рублі. У дзень адкрыцця з 17.00 да 20.00 уваход вольны!