З 29 красавіка па 19 чэрвеня ў выставачным корпусе Нацыянальнага мастацкага музея праходзіць выстава шкла Барысаўскага крыштальнага завода.
Дата: з 29 красавіка па 19 чэрвеня
Месца: Нацыянальны мастацкі музей, вул. К. Маркса, 24, Мінск
У экспазіцыі можна пабачыць каля 100 твораў, якія адлюстроўваюць дзейнасць заводскай эксперыментальна-мастацкай лабараторыі з 1950-х гадоў да пачатку XXI стагоддзя.
Частка калекцыі заводскага музея, якая прадстаўляе значную гістарычную і мастацкую каштоўнасць і з’яўляецца самабытнай з’явай еўрапейскага мастацкага шкла, была перададзена на часовае захоўванне Нацыянальнаму мастацкаму музею, а ў 2022 годзе гэтая частка калекцыі перададзена ў Музейны фонд Рэспублікі Беларусь.
