У пятніцу, 3 лістапада, у CreateCulture Space адкрываецца караценькая файная выстава-містэрыя «Mycelium» ад Evaa project.
Дата: 3 і 4 лістапада
Месца: CreateCulture Space, Karmelitų gatvė 5, Вільня
Зайсці ў лес, удыхнуць так глыбока, што, здаецца, можна згубіцца сярод пахаў лісця і моху.
Зрабіць крок, яшчэ адзін і яшчэ. І вось ужо не ты ідзеш па сцяжынцы, а яна цябе вядзе.
Недзе на шляху будуць пакінутыя гарадскія клопаты ды абавязкі, на адным з паваротаў будуць забыты трывогі, і застанецца толькі адно — надзея на сустрэчу...
У межах выставы падрыхтавалі шэраг актыўнасцей.
Вось якіх:
3 лістапада
18:30 — адкрыццё выставы
4 лістапада
13:00 — артыст-толк + скетч-сэсія «Цікавае на памежжы» з мастачкай Аленай Гіль
15:00 — артыст-толк з Інгай Ліндарэнка пра лес як месца ўласнай i калектыўнай памяцi скрозь прызму тэкста Silent Hunting
16:00 — актыўнасць «Карты успамінаў» з мастачкай Наталляй Грабёнкінай: Як убачыць сувязь месца і асабістага міфа?
16:45 — лекцыя філосафа Яўгена Кунцэвіча «Цёмныя экалогіі: нечалавечая гасціннасць»
18:30 — сэсія-падарожжа па бія-арт іерогліфах з мастачкай Мілай Коткай
19:30 — магічнае таемства цудоўных ператварэнняў «Грыб, кот і ўсё вакол» ад Базінато
20:30 — канцэрт гурта YELLOW POWER «Возера Птушак ды Сон Белай Чаплі»
Уваход вольны. Рэгіструйцеся па спасылцы.
