У Ружанскім палацы адкрылася выстава, якая прадстаўляе калекцыю абразоў праекта па захаванні культурнай спадчыны «Куфар старажытнасцяў» этнографа Паўла Каралёва.
Дата: з 14 сакавіка па 30 красавіка
Месца: Ружанскі палац, вул. Урбановіча, 15А, Ружаны
Хрыстос, Багародзіца, святы Мікола, Юрый Пераможца — нябёснае войска, на якое спадзяваўся беларускі народ у цяжкія часы выпрабаванняў. Да абразоў, якія прадстаўлены зараз на выставе, больш за сотню гадоў звярталіся з самымі патаемнымі думкамі і просьбамі нашы продкі.
Асаблівасць праекта ў тым, што экспануюцца і ліштвы — мастацкі элемент вонкавага аздаблення сялянскай хаты.
