25 лістапада а 18-й гадзіне ў будынку Літаратурнага музея Максіма Багдановіча адбудзецца творчая вечарына паэта, эсэіста і перакладчыка Міхася Скоблы. Падчас вечарыны будуць прэзентаваныя яго новыя кнігі «Камізэлька для месяца» (вершы і пераклады) і «Саркафагі страху» (эсэ).
Кніга паэзіі ўяўляе сабой творчую справаздачу, выбранае за 16 гадоў. Галоўныя героі кнігі эсэ — Ларыса Геніюш, Зоська Верас і Мікалай Улашчык.
Міхась Скобла — укладальнік дзвюх фундаментальных паэтычных анталогій: «Краса і сіла: беларуская паэзія ХХ стагоддзя» (2003) і «Галасы з-за небакраю: паэзія свету ў беларускіх перакладах ХХ стагоддзя» (2008).
У серыі «Беларускі кнігазбор» Міхась Скобла падрыхтаваў і выдаў аднатомнікі твораў Уладзіміра Жылкі (1998), Ларысы Геніюш (2000), Рыгора Крушыны (2005), Рыгора Барадуліна (2008). Таксама ўклаў і выдаў том эпісталярнай спадчыны Ларысы Геніюш «Каб вы ведалі» (2005) і зборнік выбраных твораў Анатоля Сыса «Лён» (2006), а таксама зборнік выбраных твораў Міхася Стральцова(2015). Напісаў сем уласных кніг. Лаўрэат Літаратурнай прэміі імя Алеся Адамовіча (2000).
У прадмове да кнігі «Камізэлька для Месяца» паэт Уладзімір Някляеў зазначае: «У Міхася Скоблы няма гучных дэкларацый, заяў, ён проста жыве ў паэзіі так, як яе — і сябе ў ёй — адчувае».
Імрэза адбудзецца ў межах
