Павысіць свой дабрабыт ці вырашыць сацыяльна-важную праблему? Можна не выбіраць! Як палепшыць сваё асяроддзе, дапамагчы іншым людзям і пры гэтым не толькі выдаткоўваць рэсурсы, але і зарабляць іх, ведаюць навучэнцы школы BIZ4ALL. Праект стартаваў у лістападзе 2016 года ў межах праграмы “Інкубатар сацыяльнага прадпрымальніцтва”.
Каардынатарам праграмы з’яўляецца ОДБ Брусель (Бельгія), партнёры: TNU Network University (Нідэрланды), Беларускае моладзевае грамадскае аб’яднанне “Новые лица”, міжнароднае грамадскае аб’яднанне “Згуртаванне беларусаў свету “Бацькаўшчына”. Праект падтрымліваецца Еўрасаюзам (больш падрабязна глядзіце на biz4all.eu)
За 2 гады дзейнасці BIZ4ALL даў веды больш чым 100 удзельнікам, дзякуючы яму пачалі ажыццяўляцца дзясяткі ўнікальных для Беларусі ідэй. Пра самыя цікавыя і адметныя распавядзе budzma.by ў рубрыцы “Адказны бізнес”.
