Выстава “Яўхім Карскі: погляды, працы, спадчына” у Мінску
15.01.2026 - 02.04.2026
09:00 - 19:00
Музей кнігі (пр-т Незалежнасці, 116)
Па чытацкім білеце
У Нацыянальнай бібліятэцы працуе выстава-партрэт “Яўхім Карскі: погляды, працы, спадчына”, прымеркаваная да 165-годдзя з дня нараджэння вучонага і грамадскага дзеяча.
Выстава праз дакументы, якія адлюстроўваюць жыццёвы шлях, эвалюцыю навуковых поглядаў і багатую друкаваную кніжную спадчыну класіка беларусазнаўства, дазволіць стварыць больш выразны і комплексны партрэт гэтага навуковага і грамадскага дзеяча, сем’яніна і бацькі.
Сярод экспанатаў – фундаментальная энцыклапедычная праца Яўхіма Карскага “Беларусы”, а таксама даследаванні па гісторыі беларускай мовы, дыялекталогіі, фальклоры, этнаграфіі, гісторыі беларускай літаратуры і інш.
Увазе наведвальнікаў прадстаўлены, напрыклад, адна з першых значных навуковых прац “Обзор звуков и форм белорусской речи” (1885), вучэбны курс “Грамматика древнего церковнославянского языка, сравнительно с русским” (1889) і шмат іншых цікавых артэфактаў.
Важнай крыніцай стварэння партрэта даследчыка і навукоўца стаў прыватны кнігазбор Яўхіма Фёдаравіча. Праз дароўныя надпісы можна прасачыць яго сувязі з іншымі беларускімі, русімі і замежнымі навукоўцамі.
Таксама дэманструюцца асобныя каштоўныя выданні па славяназнаўстве, славянскай філалогіі і этнаграфіі канца XIX – першай чвэрці XX ст. з аўтографамі такіх даследчыкаў, як Р. Брант, А. Пагодзін, У. Ператц, П. Дурнаво, А. Беліч, А. Мазон, П. Шэйн, М. Нікіфароўскі, Е. Раманаў і іншыя.
Цікавай асаблівасцю стала тое, што кнігазбор мае не толькі рысы “лабараторыі навукоўца”, але і прыватнай сямейнай бібліятэкі. Сярод асобнікаў, што захаваліся, некаторыя маюць пазнакі і паметы дзяцей Яўхіма Фёдаравіча.
Выстава будзе працаваць да 2 лютага.
Уваход - па чытацкім білеце альбо білеце сацыякультурнага цэнтра.
