Выйшаў новы выпуск гістарычнага серыяла «Трызуб і Пагоня» ад кампаніі «Будзьма беларусамі», прысвечанага самым цікавым старонкам супольнай гісторыі Беларусі і Украіны. Таямнічы свет войнаў і інтрыг, кахання і барацьбы за ўладу, смерці і нараджэння дзяржаў адкрывае гледачам тэлевядоўца і спявачка Кацярына Ваданосавай.
З якога часу можна казаць пра беларусаў і ўкраінцаў як пра нацыі? Да чаго тут прыгон і ягоная адмена? Хто яны — будзіцелі нашых народаў? Першыя паэты, пісьменнікі, газеты і палітычныя партыі — думаеце, гэта было лёгка? Не-не...
Проста, дасціпна і з гумарам пра гэта распаведзе ў новым выпуску вядоўца Кацярына Ваданосава.
Можна пачуць, што зараз не час на культуру, тым больш, не час на беларуска-украінскую гісторыю... Але ці можна перакрэсліць 1000 год нашага супольнага мінулага, агульных герояў і ўсяго, што нас звязвала так доўга? Мы перакананыя, што — не!
Чаму гэта так важна? Зменлівы свет занадта часта спрабуе дыктаваць, якім народам сябраваць, якім не. Пра што казаць, а пра што — маўчаць. З Украінай нас — беларусаў — аб’ядноўвае занадта шмат. Таму, самы час даведацца, як наша супольная гісторыя выглядала цягам мінулых стагоддзяў.
«Трызуб і Пагоня» з Кацярынай Ваданосавай ад кампаніі «Будзьма» — гэта расповед пра 1000 год супольнай гісторыі беларусаў і ўкраінцаў. Войны, інтрыгі, барацьба за ўладу, грошы, каханне, смерць і нараджэнне дзяржаў. Тое, што аб’ядноўвае. Тое, пра што варта ведаць.
Глядзіце гістарычны цыкл «Трызуб і Пагоня», дзяліцеся ўражаннямі ў каментарах пад відэа, дасылайце нам свае прапановы і ідэі для наступных выпускаў на электронную пошту [email protected] або ў тэлеграм-бот @BudzmaSuviaz_Bot. Бо наша супольная гісторыя — гэта не толькі пра мінулае, але і пра будучыню.
Новыя серыі відэапраекта «Трызуб і Пагоня» выходзяць на нашым ютуб-канале шточацвер. Падпісвайцеся на канал, каб не прапусціць.
Папярэднія выпускі «Трызуба і Пагоні» глядзіце па спасылцы.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
Глядзіце яшчэ:
1. «Вікінгі ў Полацку і Кіеве»
2. Як Вітаўт стаў легендай яшчэ пры жыцці?
3. Канстанцін Астрожскі і першая перамога над Масквой
4. Казакі. Каму сябры, каму – ворагі?
5. «Рускі мір» здаровага чалавека
6. Як Расія прарубала «Акно ў Еўропу»
7. Як літвіны і казакі Сібір заваёўвалі
8. Багушэвіч і Шаўчэнка – творцы беларускай і ўкраінскай нацый
